Print previewPrint

«Президенттік сынақ және Президенттік көпсайыс федерациялар Одағы» ЗТБ Президенті тағайындалды

12/26/2019

Нұр-Сұлтан – Бүгін 26 желтоқсан, сағ 15.00-де «Сарыарқа» велотрегінде «Президенттік сынақ және Президенттік көпсайыс федерациялар Одағы» ЗТБ кеңесінің кезектен тыс отырысы өтеді. Аталған кездесуде Федерацияның жаңа басшысы тағайындалды. Бұл орынға Премьер-Министрдің бірінші орынбасары-Қаржы министрі Смайылов Әлихан Асханұлы сайланды.

ҚР Мәдениет және спорт министрі Ақтоты Райымқұлова жаңа сайланған Федерация Президентіне қызметте сәттілік тілеп, аталған Федерация жұмысының аса маңызды екеніне тоқталды. Президенттік тестілердің ұлт денсаулығын сақтау, өскелең ұрпақты салауатты өмір салтына шақыруда аса маңызды екенін жеткізді.

Өз сөзінде жаңа сайланған Федерация Президенті бұқаралық спорттың ел саулығындағы маңыздылығын атап өтті.

«Ұлт саулығы ел саясатының басым бағыттарының бірі. Бұқаралық спортты әлеуметтің барлық топтары арасында дамыту маңызды. Спорттық инфрақұрылымды бұқараға қолжетімді ету керек. Бұқаралық спортты дамыту бойынша кешенді жоспарды заңмен бекітіп, осы бағытқа басымдық беру қажет»,-деді Әлихан Асханұлы.